Formula 1 Sport

Il-Mercedes jieħdu passi kontra Rosberg

Mercedes ħadu passi dixxiplinari kontra Nico Rosberg wara l-incident li kellu ma Lewis Hamilton waqt il-GP tal-Belġju.

Rosberg aċċetta r-responsabbilta` tiegħu tal-inċident u sejjaħlu “żball ta’ kalkolu”.

It-tim jidher li mmulta lil Rosberg somma mhux magħrufa waqt li aċċetta li jħallihom jikkompetu għat-titlu. Iż-żewġ sewwieqa ġew imwissija li mhux se jkun tollerat inċident simili.

Rosberg talab skuża pubblika lil Hamilton fi stqarrija maħruġa lbieraħ bil-Britanniku jirrispondi billi jammetti “it-tnejn li aħna għamilna l-iżbalji.”

Rosberg kien laqat lil Hamiltion fit-tieni dawra tal-GP tal-Belġju b’riżultat li l-Ingliż spiċċa barra mit-tellieqa waqt li Rosberg temm it-tieni biex issa għandu 29 punt vantaġġ fuq Hamilton meta fadal 200 punt disponibbli f’7 tiġrijiet sa tmiem l-istaġun.