Proponiment oriġinali, dak ta’ Daniel Grima u Michelle Gatt. Bl-iskuża li se jitkellem dwar l-impressjoni tiegħu dwar SmartCity Malta, Daniel Grima tela’ fuq l-istejġ prinċipali waqt il-Festival tal-Ikel u x-Xorb fi SmartCity Malta u hemmhekk stieden lil Michelle, it-tfajla tiegħu.
Hi, sorpriża b’dan kollu, kompliet tistagħġeb malli hu nieżel għarkubbtejh quddiemha u talabha tiżżewġu. Mistoqsija li hi wieġbet bl-għajta “iva”, fost l-applaws tal-udjenza li kienet hemmhekk.
