Il-winger ta’ 17-il sena ta’ Hibernians Joseph Mbong għada se jħalli pajjiżna lejn l-Ingilterra għal ġimgħa bi prova mal-klabb ta’ Bolton Wanderers. Din l-aħbar kienet żvelata mill-Paġna fuq Facebook tal-programm televiżiv Replay.
Mbong mistenni jitħarreġ mal-iskwadra ta’ taħt il-21 sena u anke fl-iskwadra ewlenija ta’ Bolton. Mbong għandu Passaport Malti u lagħab ukoll għat-Tim Nazzjonali ta’ taħt is-17-il sena ta’ pajjiżna fil-Kampjonat tal-UEFA, li ntlagħab f’Malta fil-bidu ta’ dan is-Sajf.
