Luca di Montezemolo ħabbar li se jirtira minn Chairman ta’ Ferrari b’effett minn nofs Ottubru li ġej. Fil-fatt, il-kumpanija Fiat ħabbret li minflok Montezemolo, mit-13 ta’ Ottubru l-ogħla kariga fil-Ferrari se tkun okkupata minn Sergio Marchionne, li bħalissa qed iservi wkoll bħala l-Kap Eżekuttiv ta’ Fiat.
It-tluq ta’ Montezemolo kienet mistennija wara li t-tmexxija ta’ Ferrari u dik ta’ Fiat riċentament kellhom nuqqas ta’ qbil fuq l-istrateġija u s-sehem tal-vetturi lussużi fil-Grupp Fiat. Montezemolo ilu Chairman ta’ Ferrari mill-1991 u minn dejjem xtaq li l-kumpanija tkun awtonoma.
Min-naħa tiegħu, Marchionni jargumenta li ż-żewġ kumpaniji għandhom ikunu integrati biex il-Grupp Fiat ikun jista’ jsaħħaħ il-pożizzjoni fis-suq tal-karozzi lussużi u b’hekk jikkompeti ma’ kumpaniji bħal Volkswagen u BMW.
