FORMULA 1: Is-sewwieq ta’ Force India Sergio Perez qal li l-Grand Prix tal-Ġappun nhar il-Ħadd f’Suzuka jista’ ma jsirx jekk it-Tigun Phanfone jolqot iż-żona.
Dan it-tifun ifforma fuq l-Oċean Paċifiku u hemnm xita qliel mistennija għal waqt il-provi liberi tal-Ġimgħa u t-tiġrija l-Ħadd anke jekk għall-provi tal-pole position is-Sibt mistenni riħ qawwi.
Il-Messikan Perez li għandu 24 sena qal, “Għada se jkollna x-xita. L-uragan jista’ jasal u jekk jasal probabbilment ma nsuqux.”
Valtteri Bottas tal-Williams qal, “Hemm ċans kbir ta’ xita qliel il-Ħadd.”
Sieħeb Botta fit-tim, Felipe Massa qal, “Nittama li nkunu nistgħu nagħmlu s-sewwieqa u t-temp ma jaffettwaniex.”
Dawk li jbassru t-temp qalu li t-Tifun Phanfone riesaq lejn il-Ġappun u se jilħaq in-nofsinhar ta’ Suzuka madwar 250 mil il-bogħod fil-ħin tat-tiġrija.
Dan il-GP hu parti mill-isfida interessanti li qed tiżviluppa bejn is-sewwieqa tal-Mercedes, Lewis Hamilton u Nicop Rosberg għar-rebħ tal-Kampjonat.
Bħalissa Hamilton għandu tliet punti vantaġġ wara r-rebħa f’Singapore ħmistax ilu u fadal 150 punt x’jintrebħu fl-aħħar ħames tiġrijiet.
L-isfida bejn it-tnejn kienet waħda taħraq matul dan l-istaġun għalkemm Daniel Ricciardo li jinsab 60 punt wara Hamilton ma jistax jiġi eskluż.
Alonso jista’ jitlaq
Intant Fernando Alonso irrifjuta li jeskludi ll-fatt li jista’ jitlaq lil Ferrari qabel jintemmlu l-kuntratt fl-2016. Id-darbtejn Champion tad-Dinja hu fil-mira tal-McLaren li jriduh li jmexxi lit-tim tagħhom fl-era l-ġdida meta se jkunu qed jaħdmu mal-Honda li se tipprovdilhom il-magni mill-2015.
Alonso kien mistoqsi fil-Ġappun jekk jistax jgħid jekk definittivament mhux se jkun mal-McLaren jew ir-Red Bull fl-2015 u l-2016.
“Din mistoqsija diffiċli. Se nagħmel l-aħjar għall-Ferrari. Il-prijorità tiegħi dejjem huma l-Ferrari. Mhux qed ngħix barra minn din id-dinja. Smajt ħafna xnigħat li żgur mhux qed jgħinu. It-tieni prijorità tiegġi se tkun il-futur tieħgu jekk hemm xi ħaġa ġdida minn din is-sena. S’issa m’hemm xejn imma se jkunhemm ħafna xnigħat,” qal Alonso.
