Bħalissa għaddejja operazzjoni biex jintefa nar li nqabad fil-basement tal-Qorti tal-Familja, li l-entratura tagħha tinsab fi Strada Stretta fuq wara tal-Qorti.
Fuq il-post bħalissa hemm żewġ fire engines, kif wkoll numru ta’ uffiċjali tal-pulizija. Jidher li ħadd ma weġġa’ f’dan il-każ.
L-investigazzjonijiet tal-pulizija għadhom għaddejin bl-għan li jsir magħruf x’wassal għal dan l-inċident.
