Federica Mogherini, ir-Rappreżentant Għoli tal-Unjoni Ewropea għall-Affarijiet Barranin u l-Politika tas-Sigurta’ appellat biex jitwaqqaf l-istat Palestinjan, u saħqet li l-komunita’ internazzjonali “ma tridx” gwerra oħra f’Gaza.
Iż-żjara ta’ Mogherini saret fi sfond ta’ tensjonijiet li qed jerġgħu jeskalaw bejn l-Iżrael u l-Palestinjani fil-Lvant ta’ Ġerusalemm, fejn f’dawn l-aħħar jiem, il-vjolenza ma naqsitx.
“Ma nistgħux noqogħdu bil-qiegħda u nistennew…jekk nagħmlu hekk, is-sitwazzjoni tibqa’ l-istess għal 40 sena oħra. Irridu naġixxu issa,” sostniet Mogherini.
Il-Palestinjani qed jippruvaw jiksbu stat f’Gaza u fil-Medda tal-Punent okkupata mill-Iżrael, bil-Lvant ta’ Ġerusalemm bħala l-kapitali.
