Lokali

Anzjana tweġġa’ f’inċident tat-traffiku fl-Imsida

Anzjana weġġgħet wara li ttajret minn vettura dalgħodu. L-inċident seħħ għall-ħabta tad-disgħa ta’ filgħodu fl-Imsida.

Għalkemm għadha mhux magħrufa l-kundizzjoni tal-mara, hu mifhum li din ittieħdet l-Isptar Mater Dei għall-kura.

L-inċident seħħ fi Triq Qrejten, f’perjodu fejn f’dawn l-inħawi qed ikun hemm problemi kbar ta’ traffiku kawża ta’ diversi diverżjonijiet fit-toroq tal-madwar. Filfatt dan l-inċident kompla ggrava s-sitwazzjoni tat-traffiku peress li kien hemm bżonn li jsir l-aċċess fuq il-post.

Persuni li tkellmu magħna spjegaw kif għal iktar minn ħames sigħat il-karozza li tajret l-anzjana kienet għadha fin-nofs tat-triq peress li din ma setgħetx tiċċaqlaq qabel jitlesta l-aċċess.