Il-Gvern għadu ma jridx jagħti data tal-elezzjonijiet tal-Kunsilli Lokali li huma skedati li jsiru s-sena d-dieħla.
Fil-Parlament, il-Ministru għall-Ġustizzja, Kultura u Gvern Lokali, Owen Bonnici ma tax l-informazzjoni mitluba meta kien mistoqsi mid-Deputat Nazzjonalista Chris Said biex jagħti d-data meta se jsiru l-elezzjonijiet tal-kunsilli lokali fis-sena 2015.
Fit-tweġiba, il-Ministru Bonnici qal biss li l-informazzjoni kollha diġà ngħatat b’mod estensiv mal-għeluq tal-proċess ta’ konsultazzjoni dwar ir-riallinjament tal-elezzjonijiet tal-Kunsilli Lokali.
B’din it-tweġiba, il-Gvern baqa’ ma jagħtix data jew indikazzjoni dwar meta se jkunu l-elezzjonijiet tal-kunsilli lokali s-sena d-dieħla, u dan meta nafu li aktar kmieni din is-sena, il-Gvern kien qed jaħseb u jipproproni jekk għandux ikun hemm posponiment ta’ dawn l-elezzjonijiet biex ma jsirux is-sena d-dieħla.
