It-traffiku għaddej b’pass tajjeb ħafna u b’faċilità kbira, tant li m’hemmx problemi għax-xufiera. Hekk ġie deskritt it-traffiku f’diversi nħawi ta’ Malta t-Tnejn li għadda, bejn is-7am u t-8am, waqt il-programm TVAM fuq l-istazzjon tal-Istat.
Aktar tard, għall-ħabta tat-7.50am, il-preżentatrici Norma Saliba ddikjarat li m’hemmx problemi għas-sewwieqa. Prattikament, l-istess kien il-kummentarju tat-Tlieta u l-Erbgħa li għaddew, bit-traffiku fil-By-pass tal-Imriehel deskritt bħala wieħed għaddej b’pass tajjeb ħafna u b’faċilità kbira.
Dak li kien qed jingħad fil-Breakfast Show tal-istazzjon tal-Istat jikkuntrasta mhux ħażin ma’ dak li qed jistqarru diversi sewwieqa, mhux biss mal-media, iżda wkoll fuq Facebook.
