Il-kumpanija Golden Harvest ħabbret li xi konsenji tal-Family White Loaves qed jinġabru mis-suq minħabba li possibilment jinkludi traċċi ta’ biċċiet żgħar tal-gomma. Fi stqarrija, il-kumpanija qalet li l-gomma, bid-daqs ta’ 5mm x 5mm x 7mm oriġinat minħabba ħsara fil-conveyor belt ta’ waħda mill-magni.
Golden Harvest appellat lill-pubbliku li xtraw il-prodotti, immarkati b’Batch A2, Batch A1 u Batch A5, huma mitluba jirritornaw il-prodott fil-fabbrika jew wieħed mill-ħwienet tal-kumpanija. Wegħdet li qed tinvestiga l-każ b’reqqa, filwaqt li skużaw ruħha għal kull inkonvenjent.
