Karozza tal-kiri insterqet mill-parkeġġ tal-Ajruport Internazzjonali ta’ Malta (MIA) minn raġel li kien tassew ħafif biex fetaħ il-karozza, daħal fiha u telaq biha mill-post. Hu nqabad minn cameras tas-sigurta’ li qed jiġu analizzati.
MaltaRightNow.com jinsab infurmat li l-karozza li nsterqet hi tal-kumpanija Percus Car Hire.
Il-karozza bil-pjanċi DQZ721 hija waħda ġdida fjamanta, tat-tip Ford Fiesta. Is-serqa seħħet ilbieraħ ftit qabel is-6pm, meta kien diġa’ dalam.
Mill-cameras CCTV jirriżulta li kien raġel waħdu li wettaq din is-serqa, u li s’issa għadu imfittex.
