Koppja “inseparabbli” li kienet ilha miżżewġa għal 65 sena mietet f’temp ta’ ftit minuti minn xulxin.
Harry Stevenson, ta’ 88 sena, miet wara li ħaddiema f’dar tal-anzjani infurmawh dwar il-mewt ta’ martu Mavis ta’ 89 sena.
Il-koppja devota minn Derby, irrifjutat li tkun separata minn xulxin tul ħajjithom u, meta saħħet Mavis qalbet għall-agħar, Harry ingħaqad magħha fid-dar tal-anzjani.
Harry u Mavis Stevenson kienu ltaqgħu fi klabb soċjali fl-eta’ ta’ 16-il sena, Harry u Mavis bdew joħorġu flimkien qabel ma Harry mar jiġġieled matul it-Tieni Gwerra Dinjija meta għalaq 17-il sena fl-1943. Hu kien Royal Marine Commando u serva fl-inżul fuq ix-xtajtiet tan-Normandija fi Franza.
Il-koppja żżewġet wara li Harry irritorna mill-gwerra. Hu ħadem bħala mastrudaxxa għal 50 sena. Għalkemm il-koppja qatt ma kellha tfal, hi ħabbet il-familja kbira tagħha u kienet magħrufa għall-ikliet tal-għada tal-Milied.
