Is-sewwieq tal-Ferrari Fernando Alonso se jħalli lit-tim Taljan fi tmiem l-istaġun u minfloku se jinħatar il-Ġermaniż tar-Red Bull Sebastien Vettel.
Din l-aħbar kienet ikkonfermata mill-Ferrari stess b’nota uffiċjali.
Fernando Alonso mistenni jingħaqad mal-McLaren li minn naħa tagħhom se jitilfu s-servizzi tas-sewwieq Jenson Button.
B’hekk din se tkun tmiem l-avventura ta’ Alonso mal-Ferrari wara ħames snin li matulhom kiseb 1,186 punt, 44 podium u ħdax-il rebħa.
Minn naħa tiegħu Vettel, li mal-Ferrari se jingħaqad ma’ Kimi Raikonnen, iffirma kuntratt ta’ tliet snin.
