Fl-aħħar jiem ġie rappurtat każ suspettat ta’ Tuberkulożi ġewwa Għawdex. Minn informazzjoni li waslitilna, jirriżulta li dan il-każ ma ġiex riferut għall-Infectious Disease Unit fl-Isptar Mater Dei. Minflok, din il-persuna inżammet fl-Isptar Ġenerali t’Għawdex.
Nies li kkuntatjawna qalulna li f’Għawdex m’hemmx unit speċjalizzat bħall-IDU tal-Mater Dei. Għalhekk, dan il-każ suspettat ta’ TB qed jiġi deskritt bħala wieħed li jista’ jkun ta’ detriment għal pazjenti oħrajn u anke għall-istaff tal-Isptar f’Għawdex.
