Il-Papa Franġisku beda jwettaq waħda mill-aktar missjonijiet delikati mindu ilu jmexxi l-Knisja Kattolika. Dan waqt żjara li beda fit-Turkija fejn il-Papa se jkun qed jitratta mal-problemi tal-persekuzzjoni Nisranija fid-dinja Musulmana kif ukoll se jkun qed jitratta relazzjonijiet mal-Iżlam fi żmien fejn l-estremiżmu qed jinfirex.
Hekk kif dan mhux biżżejjed, il-Papa Franġisku se jkun qed jiddiskuti x-xiżma li ilha għaddejja f’dawn l-aħħar elf sena bejn il-Kattoliċiżmu u l-Knisja Ortodossa li ċċentrat fuq il-belt li issa hi Istanbul.
Ir-raba’ kap tal-Knisja Kattolika li qed iżur it-Turkija, il-Papa Franġisku qed jemfasizza l-impenn għal djalogu bejn il-Musulmani u Insara oħrajn fi żmien ta’ vjolenza li qed tiżdied kontra minoranzi Kristjani fir-reġjun.
