Omm, li x’aktarx issofri minn problemi ta’ saħħa mentali, ppruvat tiekol lil binha li kien għadu kif twieled tlett’ijiem biss qabel.
Kien l-intervent f’waqtu tal-infermiera fi sptar f’Shenzhen, fin-naħa t’isfel tal-Provinċja ta’ Guangdong, fiċ-Ċina, li salvaw ħajjet it-tifel, li kien diġa’ sofra ġrieħi serji f’idu.
Li Zhenghua, tfajla ta’ 24 sena, instabet bi snienha jniffdu idejn binha. L-infermieri ppruvaw jeħilsu lit-tifel minn din il-morsa, madankollu kellha tkun injezzjoni ta’ sedattiv biex il-mara setgħet tiġi kkontrollata.
Sar magħruf ukoll li l-mara kienet ittieħdet l-isptar wara li nstabet fi triq, lesta biex twelled. Hi kienet tkeċċiet barra mid-dar minn ommha, minkejja li kienet fi stat avvanzat ta’ tqala, minħabba li bdiet taġixxi b’mod stramb.
