Fl-għaxar telefonata, Paul Sheehan jgħid li l-Ministru qallu biex joqgħod id-dar. Fil-ħdax-il telefonata, l-eks Aġent Kummissarju Ray Zammit jitlob lil Sheehan għan-numru tal-mobile tiegħu
Il-Maġġur fl-HR iċempel lill-Kuntistabbli Paul Sheehan u jgħidlu li kellu envelopp mingħand il-Kummissarju għalih “aqbeż qabża għalih jekk jgħoġbok.”
Hawnhekk Paul Sheehan iwieġeb li: “Bil-Malti qaluli biex għalissa ma noħroġx mid-dar.”
Il-Maġġur: “Min qallek imma? Forsi min qiegħed jinvestiga?”
Paul Sheehan: “Il-Ministru hekk qalli.”
Il-Maġġur: “Il-Kummissarju qalli biex inċempillek u nibgħat għalik ħalli tippikkja l-ittra li għandek mingħandu u kif tkun hawnhekk u kif tkun hawnhekk irid ikellmek l-Assistent Kummissarju Magri.”
Paul Sheehan: “Orrajt.”
Il-Maġġur: “Li qalli l-Kummissarju qiegħed ngħidlek hija…
Żomm naqra.. naħseb li qallek il-Ministru jirbaħ! Mela oqgħod id-dar ħalli nerġa’ nkellem lill-Kummissarju u se nerġa’ nċempillek lura. Ma jmurx jgħidlek li ma obdejtux.”
Paul Sheehan: “L-ewwel kienu xil-ħdax u nofs hekk qalli…
Għidlu li qed nistenna biex immur l-Għassa biex nagħmel l-istqarrija.”
Il-Maġġur: “Se nċempillek lura hi.”
Fil-ħdax-il telefonata, l-Aġent Kummissarju jsaqsi lil Paul Sheehan għan-numru tal-mobile tiegħu. Paul Sheehan jgħaddilu n-numru u l-Kummissarju jgħidlu: “OK ġej”, qabel ma jaqta’.
