Il-Każ Manwel Mallia ddomina l-aħbarijiet għal dawn l-aħħar tliet ġimgħat, l-ewwel bl-isparatura umbagħad bil-gideb fl-istqarrija, il-cover-up u r-recordings żvelati mill-Kamra tal-Aħbarijiet tagħna, segwita mit-tkeċċija tal-Ministru Mallia u l-ħatriet ta’ Ministru u Kummissarju ġdid. Tliet ġimgħat ta’ aħbarijiet u żviluppi kontinwi, b’MaltaRightNow.com tikseb rekord ta’ hits.
Imma is-satira fuq il-media soċjali spikkat ukoll, bil-filmat ta’ hawn isfel iġiegħelek ukoll titbissem ftit. Fil-filmat, ispirat mir-recordings li xandarna, żewġ persuni jinstemgħu jargumentaw dwar pizza u finalment ikunu sparati wkoll żewġ tiri. Dan il-filmat kien importanti għax min għamlu rnexxielu jnissel tbissima fuq l-uċuħ ta’ ħafna.
