Id-deputat Laburista Marlene Farrugia qed issejjaħ lill-Partit tagħha biex ilaqqa’ immedjatament Konferenza Ġenerali Straordinarja. Dan sabiex tkun diskussa “is-sitwazzjoni li qed tiddeterjora malajr”.
Farrugia m’għamlet l-ebda referenza addizzjonali għal din “is-sitwazzjoni” preżenti fil-Partit Laburista.
AKTAR KMIENI
“Dan jista’ jkun il-bidu tat-tmiem għall-Moviment Laburista”.
Dikjarazzjoni qawwija ħafna li saret kmieni dalgħodu mid-deputat laburista Marelene Farrugia fuq Facebook. Farrugia issostni li ċertu żviluppi li seħħew wara l-każ tal-isparatura huma “xokkanti”.
Il-Moviment, issostni d-deputat Labuirista, qed juri sinjali ta’ xquq profondi. Filwaqt li skont Marlene Farrugia, il-partit laburista “mhu jagħmel xejn biex iwaqqaf milli jkompli jitkisser”. U tgħid li dan jaf ikun il-bidu tat-tmiem għall-Moviment Laburista.
