Nirien kbar ħakmu appartament fis-sular ta’ fuq fil-Qawra. L-Inċident seħħ għall-ħabta tas-6 ta’ filgħaxija, fi Triq Dawret il-Qawra qrib il-kumpless Sunny Coast.
In-nirien żviluppaw wara splużjoni ta’ ċilindru tal-gass. Fortunatament ħadd ma kien fil-bini fil-mument tal-isplużjoni. Ħadd ma jidher li ma weġġa’ f’dan l-inċident madanakollu xorta ttieħdu miżuri ta’ prekawzzjoni fosthom l-evakwazzjoni tal-lukanda Sunny Coast.
Fuq il-post waslu membri tal-Protezzjoni Ċivili biex jikkontrollaw in-nirien.
