Kontinwament Aġġornata
21:00: Tinqabeż is-somma ta’ aktar minn żewġ miljuni
17:20: S’issa inġabret is-somma ta’ €1,270,604
16:40: Aktar minn €1.100,000 miġbura waqt l-Istrina s’issa
15:45: F’erba’ siegħat inġabru €1,000,000
15:00: Is-somma s’issa qabżet it-€880,000
14:33: €700,000 miġbura s’issa waqt l-Istrina
14:20: Is-somma s’issa qabżet s-€600,000
14:03: Qed jispikka l-programm ta’ divertiment waqt l-Istrina fosthom imitazzjonijiet ta’ diversi gruppi, logħob u kant.
13:45: F’inqas min sagħtejn tal-Istrina inġabru €540,000
13:30: S’issa aktar minn €314,000 inġabru waqt l-Istrina
13:10: Is-somma s’issa €210,000
13:05: Fl-ewwel siegħa tal-Istrina nġabru aktar minn €100,000
12:44: Fl-ewwel tlett kwarti tal-Istrina nġabru aktar minn €45,000.
12:30: Dan hu poplu ġeneruż u llum għandu jkompli juri kemm hu ġeneruż
Dan qalu l-Kap tal-Oppożizzjoni Simon Busuttil meta l-Ġimgħa f’nofsinhar kien qed jipparetċipa fil-ftuħ tal-Istrina. Hu kien akkumpanjat mill-President ta’ Malta Marie Louise Coleiro Preca u mill-Prim Ministru Joseph Muscat.
Simon Busuttil qal li l-poplu Malti għandu jagħmel id-donazzjonijiet tiegħu bħala investiment, għaliex ma jista’ qatt jgħid x’ħa jkollu bżonn mingħand il-Malta Community Chest Fund fil-futur.
Min-naħa tagħha, il-President ta’ Malta qalet li l-Istrina hija l-ġurnata tal-Maltin kollha u sostniet l-appell tagħha biex il-pubbliku jikkontribwixxi filwaqt li tenniet kemm tħossha kburija bil-poplu Malti li dejjem irrisponda meta kien imsejjaħ.
Il-Prim Ministru Joseph Muscat qal li l-Istrina m’hijiex attivita’ li tħares lejn il-kulur politiku, iżda attivita’ li tgħaqqad il-poplu Malti f’festa ta’ solidarjeta’.
Intant, waqt il-ftuħ tal-Istrina tkellmu eks-Presidenti ta’ Malta fosthom Eddie Fenech Adami, Ugo Mifsud Bonnici kif ukoll George Abela.
Agħfas hawn biex issegwi l-Istrina ‘LIVE’ fuq NET Television.
Ritratt: IRIS
