Il-ferry Taljan: aktar minn 250 għadhom qed jistennew li jiġu salvati

Aktar minn 250 persuna għadhom qed jistennew li jiġu salvati mill-ferry Taljan li ħa n-nar fil-Majjistral ta’ Korfu.

L-operazzjoni ta’ salvataġġ għaddejja bil-mod minħabba riħ qawwi li ħakem li nħawi fejn il-vapur ‘Norman Atlantic’ waqaf.

Il-Qawwa Navali Taljana s’issa salvat madwar 221 persuna. 49 persuna ġew salvati minn vapur reġistrat Malta li qed jgħin fl-operazzjoni ta’ salvataġġ.

Filfatt, b’kollox hemm tlett vapuri reġistrati Malta li qed jgħinu fl-operazzjoni ta’ salvataġġ min-Norman Atlantic li fuqu kien ukoll passiġġier reġistrat bħala Malti.

Kollox jindika li l-ferry ħa n-nar fil-parti fejn ikun hemm il-karozzi. S’issa kienet konfermata l-mewta ta’ persuna waħda kawża ta’ dan l-inċident.