Ftit tal-ħin ilu karozza ħadet in-nar fi Triq Ġorġ Borġ Olivier, fil-Mellieħa.
L-ewwel rapporti li waslulna minn persuni li joqgħodu fl-istess triq u oħrajn li nzertaw kienu fil-viċinanzi, qalulna li fi ftit sekondi il-karozza tgħattiet minn fjammi kbar li qerduha għal kollox.
Bil-każ ġew infurmati l-Pulizija kif ukoll uffiċċjali tal-Protezzjoni Ċivili li marru mmedjatament fuq il-post.
L-istess persuni li tkelmu magħna qalulna li kienet diffiċli biex l-uffiċċjali tal-Protezzjoni Ċivili jaċessaw it-triq fejn inħarqet il-karozza.
