Allegat mexxej ta’ al-Qaeda miet jiem biss qabel ma kellu jgħaddi ġuri fi New York, dwar l-attakki li kienu saru fuq l-Ambaxxata Amerikana fl-Afrika fl-1998.
Abu Anas al-Liby, li kellu 50 sena, miet fl-isptar ilbieraħ wara kumplikazzjoniet minn operazzjoni li saritlu fil-fwied.
Al-Liby kien inħataf f’rejd li sar minn qawwiet Amerikani fi Tripli f’Ottubru 2013.
Hu kellu jgħaddi ġuri fit-12 ta’ Jannar minħabba l-attakki fuq l-ambaxxata fl-1998, fejn kienu nqatlu aktar minn 220 persuna fil-Kenja u fit-Tanżanija.
