“Hibernians m’għandhom l-ebda intenzjoni li jiffirmaw lil Ched Evans.” Stqarr dan il-President ta’ Hibernians Tony Bezzina fi stqarrija mibgħuta iktar kmieni lill-mezzi tax-xandir.
Fl-istqarrija, Bezzina fakkar li taħt il-Presidenza tiegħu għall-aħħar 36 sena, il-klabb ta’ Raħal Ġdid “dejjem ta importanza lill-aspett soċjali u l-impatt li kull deċiżjoni li tittieħed ikollha, kemm fejn jidħol iffirmar ta’ plejers ġodda kif ukoll il-mod kif jitmexxa l-klabb.”
Kompla li dak li ġara fil-każ ta’ Ched Evans kien li sponsor tal-klabb, VaughanBoxing.TV ikkuntattja lit-Team Manager tal-klabb Jeffrey Farrugia biex jara jekk Hibernians ikunux lesti jiffirmaw lill-plejer jekk ikun hemm l-opportunita’.
