Il-Papa Franġisku, din il-ġimgħa, jibda t-tieni pellegrinaġġ tiegħu fil-kontinent tal-Asja bi żjarat fis-Sri Lanka u l-Filippini.
Iż-żjarat qed isiru 20 sena wara li l-mibki Papa Ġwanni Pawlu II għamel żjarat simili — u storiċi — fil-pajjiżi bil-komunitajiet tal-Kattoliċi rispettivi. Intant, il-Papa Franġisku wkoll mistenni jippresiedi fuq avvenimenti sinifikanti bis-Sri Lanka, li għaddiet minn theżżiża politika, qed tħejji biex, minn għada, tilqa’ lill-Kap tal-Kattoliċi.
Dawn huma xi ftit punti ta’ interess qabel il-Papa jirfes l-art fis-Sri Lanka.
* Ladarba l-Papa jasal f’Kolombo, għandu jilqgħu il-President Srilankan ġdid, Maithripala Sirisena, li għadu kemm għeleb lil Mahinda Rajapaksa fl-elezzjoni ewlenija u relevanti f’dan il-pajjiż. Dan meta Rajapaksa ma kienx popolari mal-minoranzi etniċi u reliġjużi tas-Sri Lanka.
* Hu ittamat li l-Papa jixpruna messaġġ ta’ paċi u jgħin itaffi l-feriti tal-gwerra ċivili tas-Sri Lanka li damet għal 25 sena. Il-minoranza tal-Kattoliċi (anqas minn 7 fil-mija tal-poplu Srilankan) tistenna wkoll li ż-żjara tal-Papa sservi għar-rikonċiljazzjoni u l-għaqda wara s-snin tal-ostilitajiet bejn is-Sinaliżi f’maġġoranza u l-minoranza tat-Tamili. Din il-gwerra kienet intemmet fl-2009 b’disfatta kbira għar-ribelli ‘Tigri’ Tamili.
* Mhux magħruf jekk il-Papa jikkummentax dwar il-fatt li s-Sri Lanka rrifjutat li tikkoopera ma’ investigazzjoni tan-Nazzjonijiet Uniti rigward allegati delitti tal-gwerra li seħħew lejn l-aħħar ta’ dik il-gwerra ċivili.
* Il-Papa, nhar l-Erbgħa, jiċċelebra quddiesa għall-eluf tad-devoti ġo park ewlieni ta’ Kolombo. Wara l-quddiesa, il-Papa jikkanonizza lil Joseph Vaz, qassis li kien jgħix fis-seklu sbatax, bħala l-ewwel qaddis tas-Sri Lanka.
