Fil-Qrati ta’ Malta hemm 1,406 inkjesti maġisterjali li ilhom għaddejjin aktar minn xahrejn. Fil-Qort ta’ Għawdex hemm 418-il inkjesta li ilhom għaddejjin aktar minn xahrejn.
Dawn l-inkjesti li għadhom mhux konklużi kienu kkonfermati mill-Ministru għall-Ġustizzja, Kultura u Gvern Lokali, Owen Bonnici, li kien qed iwieġeb mistoqsija parlamentari tad-Deputat Nazzjonalista Claudio Grech.
