Nhar it-Tnejn fil-Parlament il-Gvern wara li ħabbar li l-mistoqsija fir-referendum abrogattiv dwar il-kaċċa fir-rebbiegħa se tkun b’mod li min jaqbel mal-kaċċa jivvota iva u min ma jaqbilx jivvota le, qal wkoll li ż-żgħażagħ li ta’ 16-il sena mhux se jkunu qed jingħataw id-dritt biex jivvutaw fir-referendum dwar il-kaċċa fir-rebbiegħa. Referendum li se jsir flimkien mal-Elezzjonijiet tal-Kunsilli Lokali li għalihom ingħataw id-dritt li jivvutaw. Fil-Parlament il-Prim Ministru qal li l-Liġi favur il-Vot daħlet fis-seħħ wara li saret il-petizzjoni għar-Referendum li tħabbar li se jsir fil-11 ta’ April.
