Raġel jinsab fil-periklu tal-mewt wara li waqa’ minn għoli ta’ madwar sitt piedi. L-inċident seħħ għal ħabta tas-13:30, fi Triq il-Paroċċa, fin-Naxxar.
Il-vitma hu Taljan ta’ 48 sena, residenti s-Swieqi li jidher li waqa’ minn fuq scaffolding waqt li kien qed jagħmel xi xogħol ta’ kisi.
Ir-raġel ittieħed l-Isptar Mater Dei għall-kura u iżjed tard ġie ċċertifikat li jinsab fil-periklu tal-mewt.
Aktar stħarriġ għadu għaddej filwaqt li nħatret inkjeta Maġisterjali.
