Wasal f’Malta plejer ieħor barrani bi prova ma’ Hibernians.
Replay jista’ esklussivament jiżvela l-isem tal-attakkant Serb ta’ 23 sena Marko Rajic li dan l-istaġun kien qed jilgħab fl-ogħla diviżjoni fis-Sebja ma’ Sindelic Beograd. Magħhom lagħab tnax-il partita.
F’dawn l-aħħar staġuni lagħab fil-Premier League Serba ma’ żewġ klabbs oħra li huma Mladenovac u Teleoptik.
Fl-istaġun 2012/13 saħansitra lagħab fil-Kamponat Ungeriż ma’ Honved II, għalkemm lagħab biss erba’ darbiet f’dan il-kampjonat u skorja żewġ gowls.
Fil-passat Rajic lagħab ukoll mat-tim nazzjonali Serb ta’ taħt id-19-il sena.
Mistenni wkoll Belġjan
Intant is-sigħat li ġejjin mistenni jasal ukoll ir-raba’ plejer barrani ta’ Hibernians bi prova magħhom.
Dan se jkun Belġjan ta’ 24 sena u li preżentament qed jilgħab regolari ma’ klabb fit-tielet diviżjoni ta’ dan il-pajjiż.
Numru ta’ barranin jistgħu jħalli l-klabb
Teżisti possibilta’ li jista’ jiċċaqlaq il-Brażiljan ta’ Hibernians Jackson Lima li xejn m’hu kuntent li ma tantx qed ikun utiliżżat mill-kowċ Branko Nisevic.
Dan minbarra l-indikazzjonijiet li Tarabai jista’ jiċċaqalq f’Marzu hekk kif l-offerta li Hibernians irċivew minn klabb fil-Korea t’Isfel hija attraenti ferm u tagħmilha diffiċli li l-klabb jirrifjuta.
Kemm il-darba jitlaq Tarabai minn ma’ Hibernians, dan it-trasferiment jista’ jwassal għat-tluq ta’ plejers oħra Brażiljani fit-tim għaliex hu sigriet magħruf li teżisti familjarita’ kbira bejn il-Brażiljani ta’ Hibernians.
Iktar aħbarijiet mix-xena tal-futbol lokali fuq Replay (Net Television).
