Matul is-sena li għaddiet tressqu anqas persuni l-Qorti fuq akkużi ta’ tlajjar għal skop ta’ prostituzzjoni meta paragunat mas-sena ta’ qabel, fl-2013.
Minn informazzjoni li ngħatat fil-Parlament fis-seduta tal-lejla, matul is-sena 2013 kien hemm 66 persuna li bejniethom tressqu l-Qorti 344 darba fuq akkużi ta’ tlajjar għal skop ta’ prostituzzjoni.
Fis-sena 2014 kien hemm 50 persuna li bejniethom tressqu l-Qorti 196 darba.
L-informazzjoni ngħatat mill-Ministru għall-Intern u Sigurtà Nazzjonali, Carmelo Abela, li kien qiegħed iwieġeb mistoqsija tad-Deputat Laburista Anthony Agius Decelis.
Jirriżulta wkoll li l-pieni mogħtija kienu jinkludu priġunerija, sentenzi sospiżi, probation, libertà kundizzjonata, multa u ċanfira jew twiddiba.
