Illum Malta tfakkar il-miġja tal-fidi bil-festa nazzjonali tan-Nawfraġju ta’ San Pawl, li tkun iċċelebrata kull sena fl-10 ta’ Frar.
Fil-Kolleġjata ta’ San Pawl Nawfragu tal-Belt Valletta dalgħodu ssir il-quddiesa pontifikali tal-festa ta’ San Pawl fid-9.15 u llejla fil-5.30 ta’ waranofsinhar toħroġ il-purċissjoni bl-istatwa devota ta’ San Pawl.
Il-festa ta’ San Pawl mill-Belt Valletta se tixxandar dirett fuq Net Television fil-programm ‘Minn Festa għall-oħra’.
Ritratt: ritratt antik li juri l-istatwa ta’ San Pawl. L-istatwa ta’ San Pawl kienet inħadmet minn Melchiore Gafa’ f’Ruma fl-1659 meta kien għad kellu biss 24 sena. L-istatwa titulari ħarġet għall-ewwel darba fil-purċissjoni ta’ nhar il-festa fl-1690.
