Filmat ta’ żewġ barrin kbar qasam l-opinjoni pubblika fuq il-midja soċjali b’ħafna jinsistu li t-tkabbir esaġerat tal-muskoli tagħhom hu r-riżultat ta’ steroids.
Min-naħa l-oħra, hemm oħrajn li qed jinsistu li waqt li l-baqar jiġu sottomessi għal trattamenti mhux mixtieqa, bil-għan li laħamhom iġib iktar prezz fis-suq, hemm razez ta’ baqar u barrin li jitwieldu hekk. Fosthom hemm ir-razza Belgian Blue li l-ġenetika tagħhom iġġiegħel lill-muskolu jikber iktar mid-doppju ta’ barrin oħra waqt li l-ikel jibdluh f’muskolu mhux f’xaħam.
Imma sadattant iktar minn 1,100,000 persuna fuq Facebook raw il-filmat u ħafna qed jinsistu li l-muskoli tal-barrin huma kkaġunati minn steroids għalkemm oħrajn qed jinsistu li dawn huma tar-razza Belgian Blue.
S’issa r-razza ta’ dawn il-barrin għadha ma ġietx ikkonfermata u lanqas il-post fejn ittieħed il-filmat.
