Tifla ta’ 5 snin ingħatat rigal ta’ £10 f’vawċer mingħand persuna li ma kinitx tafha imma li baqgħet impressjonatha bil-manjieri tajba u l-edukazzjoni tagħha.
It-tifla, Ruby, kienet man-nannu li kien se jeħodha tara l-ġugarelli f’ħanut fit-triq lejn id-dar mill-iskola. Il-mara resqet qrib it-tifla u rrimarkat dwar il-manjieri tajba taċ-ċkejkna u dwar kemm iġġib ruħha tajjeb it-tifla, qabel ma ppreżentatilha l-vawċer.
In-nannu tat-tifla qed jipprova jsib lil din il-mara biex jirringrazzjaha għax telqet minn fuq il-post hekk kif tat il-vawċer lit-tifla. Ruby kienet qed tipprova tispelli l-ismijiet tal-ġugarelli li hi tixtieq imma li ma setgħetx tixtri. Bil-vawċer tal-mara, Ruby setgħet tixtri l-pupa li xtaqet għax kien biżżejjed biex tgħaqqdu mal-flus li kienet irnexxielha tiġbor billi toħroġ il-borża tal-iskart għand il-ħbieb.
In-nannu qal li, forsi bla ma taf, il-mara tat lezzjoni imprezzabbli liċ-ċkejkna, li l-manjieri tajba huma apprezzati.
