Raġel ta’ 54 sena minn Għajnsielem sofra ġrieħi gravi u jinsab fil-periklu tal-mewt wara li waqgħu fuqu numru ta’ ġebel waqt li kien qed jaħdem f’barrera fil-Qala, Għawdex.
L-inċident seħħ għall-ħabta tat-tlieta ta’ wara nofsinhar fi Triq il-Fortin Sant’ Anton.
Ir-raġel ittieħed lejn l-Isptar Ġenerali t’Għawdex għall-kura medika fil-waqt li nfetħet Inkjesta Maġisterjal. L-investigazzjonijiet tal-Pulizija għadhom għaddejjin.
