B’reazzjoni għal qtil tal-21 nisrani mill-ISIS, fi stqarrija l-Partit Nazzjonalista kkundanna l-qtil barbaru tal-Eġizzjani Kopti u tenna li dawn l-atti barbari għandhom iżidu d-determinazzjoni tal-komunita’ internazzjonali biex jeqirdu t-terroriżmu fil-Libja u f’postijiet ohrajn.
Il-Partit Nazzjonalista qal li l-Libja ma tistax titħalla tinżel iktar fl-anarkija u jappoġġja interventi Ewropej u internazzjonali favur is-sigurta fil-Libja u fil-Mediterran.
