Anzjana ta’ 91 sena iktar kmieni dalgħodu nstabet mejta fid-dar tagħha stess, fil-Marsa.
Dan kollu seħħ dalgħodu, meta bint l-anzjana marret iżżurha bħas-soltu. Biss, malli daħħlet fid-dar bil-kopja taċ-ċavetta tagħha, indunat li ommha ma bdietx twieġeb għas-sejħa tagħha, tant li sabitha fis-sodda, mingħajr ma tiċċaqlaq.
Hi sejħet fil-pront lil qraba tagħha, li infurmaw lil Pulizija. Ġie msejjaħ tabib fil-post li ikkonferma li l-anzjana mietet b’kawża naturali.
