Tiġrija tat-Trott fil-Fillandja setgħet spiċċat fi traġedja għal fotografu, li ma ndunax b’żiemel li kien ġej min-naħa ta’ barra u spiċċa ntlaqat minnu.
Jirriżulta li waqt it-tiġrija, iż-żiemel bidel il-pass fl-aħħar metri u ġie skwalifikat. Għalhekk, kif jitolbu r-regoli, is-sewwieq ġibed liż-żiemel lejn in-naħa ta’ barra.
Il-fotografu jidher li kien qed jitkellem ma’ fotografu ieħor meta s-sewwieq ma rnexxielux iwaqqaf liż-żiemel tiegħu fil-ħin.
Fortunatament, il-fotografu sofra biss feriti ħfief.
