Tħabbret il-mewt ta’ Talus Taylor, il-persuna li kien ħoloq il-karattri għat-tfal ta’ Barbapapa flimkien ma’ martu Annette Taylor. Hu kellu 82 sena u miet f’Pariġi. L-isem kien ispirat minn dak li bl-Ingliż hu magħruf bħala candy floss u bil-Franċiż “barbe à papa” u dehru l-ewwel darba fl-1970. B’kollox kienu pubblikati għaxar volumi tal-kotba tal-Barbapapa fi 30 lingwa differenti li imbagħad saru serje popolari fit-televiżjoni.
