L-artist Malti Ivan Sciberras għadu kif rebaħ l-unur magħruf bħala “Ally of the Year”.
L-unur intrebaħ wara kompetizzjoni fis-sit Creative Allies – website Amerikana li tagħmel kompetizzjonijiet li jikkonsistu f’xogħol bħal posters, CD covers u ħafna affarijiet oħrajn għad-designers mad-dinja kollha.
Ħafna drabi l-kompetizzjonijiet ikun għal gruppi u kantanti famużi bħal Mariah Carey, Maroon 5, Keane, Counting Crows u ħafna ohrajn. Sciberras rebaħ il-kompetizzjoni internazzjonali bid-disinn għall-Counting Crows u l-kantant Amerikan Dan Reardon.
F’dawn l-aħħar tliet snin iż-żagħżugħ Malti rebaħ ukoll tlett kompetizzjonijiet, u xi xogħol minn tiegħu intgħażel biex jintuża min Jazz band famuża ħafna bl-isem Preservation Hall.
Ivan Sciberras huwa Direttur Artistiku fi studio tad-design.
