Ingliża ta’ 61 sena tilfet ħajjitha waqt li għall-ħabta ta’ 11.45am kienet qed togħdos fid-Dwejra, limiti ta’ San Lawrenz.
Membri mid-Dipartiment tal-Protezzjoni Ċivili u tim mediku marru fil-post, iżda l-mara kienet ikkonfermata mejta fil-post stess.
Il-Maġistrat tal-għassa kien infurmat bil-każ u fetaħ inkjesta.
Il-Pulizija għaddejja bl-investigazzjonijiet biex tistabilixxi x’wassal għall-mewt tal-mara.
(Ritratt: mill-Arkivji)
