Kliem oxxen u dispreġjattiv tebbgħu waħda mill-faċċati tat-torri storiku li hemm fid-Dwejra, f’Għawdex, wara l-azzjoni ta’ persuna jew persuni.
Kollox jindika li dan l-att vandalu kien immirat kontra l-Pulizija, bil-vandalu jew vandali jiżbħu diversi insulti lejn il-Korp, fosthom billi jikkritikaw il-ġustizzja u bl-użu ta’ kliem ħażin.
Il-Pulizija kienet infurmata b’dan kollu dalgħodu, għal ħabta tad-9am. L-investigazzjonijiet jinsabu għaddejjin.
