… u mietu wkoll 137 pazjent li ddaħħlu l-Isptar b’chest infection
Fl-ewwel xahrejn ta’ din is-sena mietu erba’ pazjenti li kienu qed jiġu kkurati fil-kurituri tal-Isptar Mater Dei. Jirriżulta wkoll li minn Ottubru li għadda sal-lum, mietu 137 pazjent li ddaħħlu l-Isptar għall-kura b’chest infection.
Dan kien ikkonfermat mill-Ministru għas-Saħħa u l-Enerġija, Konrad Mizzi, meta llejla wieġeb mistoqsijiet parlamentari tax-Shadow Minister għas-Saħħa, Claudette Buttigieg.
L-informazzjoni għadha qed tinġabar dwar kemm mietu pazjenti li ddaħħlu l-Isptar Mater Dei għall-kura b’uġigħ f’sidirhom u bl-influwenza.
