Filmat li ġie ppubblikat fuq You Tube juri kif fi ftit sekondi, tista’ tqaxxar larinġa mingħajr ebda diffikultà.
Bi tliet inċiżjonijiet żgħar, il-larinġa tista’ tneħħilha l-qoxra tagħha u tiekol il-benna tal-frotta mingħajr ma titlef ebda meraq jew it-tjubija tagħha.
Dan jekk taqta’ il-kappell ta’ fuq u l-ieħor ta’ taħt tal-larinġa, u taqta’ qatgħa waħda biss fil-bqija tal-qoxra sakemm tmiss il-qalba ta’ ġewwa. Imbagħad, kull ma trid tagħmel hu li tiftaħ il-frotta qisha ktieb, u tara l-flieli jinferqu quddiemek.
Min jaf kemm-il battikata ħadt matul ħajtek s’issa biex kilt larinġa? Min jaf kemm-il darba ma kilthiex biex ma tħammiġx? Dan hu l-mod ta’ kif fi ftit ħin tista’ tgawdi mit-tjubija tal-frotta fi 30 sekonda.
