“Be the Change: Stand Up to be Counted” hi t-tema magħżula mill-Moviment Żgħażagħ Partit Nazzjonalista (MŻPN) biex iwassal il-messaġġ liż-żgħażagħ li se jkunu qed jivvutaw għall-ewwel darba fl-elezzjonijiet tal-Kunsilli Lokali tal-11 ta’ April li ġej, partikolarment lil dawk li għandhom 16-il sena u li issa għandhom id-dritt li jivvutaw.
Bħala parti mill-attivitajiet li qed jorganizza l-MŻPN matul din il-kampanja, dalgħodu organizza attività ħdejn il-Junior College fl-Imsida. Għal din l-attività attenda l-Kap tal-Oppożizzjoni u tal-Partit Nazzjonalista Simon Busuttil. Wara l-attività, il-Kap tal-Oppożizzjoni żar ukoll lill-istudenti tal-Junior College, b’uħud jieħdu l-opportunità biex jitkellmu miegħu.
