Nhar il-Ħadd, 3 ta’ Mejju, Mellieħa A.C se jorganizzaw l-attività annwali ta’ tlielaq fir-raħal tal-Mellieħa stess – The Shoopers Discount Supermarket Mellieħa Road Races.
It-tlielaq differenti jinkludu t-tellieqa prinċipali ta’ 10km, tellieqa ta’ 2km għat-Tfal, u Fun Run ta’ 1km. Għall-ewwel darba, se tiġi wkoll organizzata tellieqa ta’ 5km.
Fl-ispirtu ta’ inklussività li jikkaratteriżża l-klabb Mellieħi, mixja ta’ 10km se tkun ukoll organizzata. Bħal dejjem, midalja kommemorattiva se tingħata lil kull min jispiċċa t-tellieqa magħżula minnu, flimkien ma’ goody-bag.
L-ewwel tlett maskili u femminili f’kull tellieqa se jingħataw premjijiet oħra kif ukoll se jiġu ppremjati r-rebbieħa tal-kategorija tagħhom u l-ewwel post ghal atleta lokali.
Applikazzjonijiet u pagamenti qegħdin onlajn fuq www.melliehaac.info .
