Sitt suldati Ukreni nqatlu waqt inċidenti separati lejn il-Lvant tal-Ukrajna u li kienu kkonfermati mill-Uffiċjali tal-Gvern.
Erba’ mis-suldati mietu meta l-vettura li kienu għaddejjin biha spiċċat mira ta’ aggressuri li fetħu n-nar fuqha. L-inċident seħħ f’inħawi qrib Lugansk, li hi fortizza tas-separatisti Ukreni li jridu l-għaqda mar-Russja.
Fit-tieni inċident, żewġ suldati oħra tilfu ħajjithom meta l-vettura tagħhom għaddiet minn fuq tagħmir splussiv għal kontra t-tankijiet tal-gwerra, viċin il-belt ta’ Mariupol.
Bħalissa, suppost qed iżomm ftehim għall-paċi fraġli fir-reġjuni Ukreni tal-Lvant u li ilu effettiv minn Frar.
