Fil-jiem meta t-tfal għaddejjin bil-vaganzi tal-Għid, u allura suppost għandhom aktar ċans joħorġu mal-familja tagħhom biex jistrieħu ftit, ir-residenti taż-Żurrieq qed jesperjenzaw sitwazzjoni mhux daqstant pjaċevoli.
Dan hekk kif dawn, illum, qed jesperjenzaw irwejjaħ qawwija tad-drenaġġ. Residenti li tkellmu ma’ MaltaRightNow.com qalu li minkejja li ċemplu lill-awtoritajiet biex jilmentaw dwar din is-sitwazzjoni, baqa’ ma sar xejn.
Huma fakkru fix-xogħol li sar fil-jiem li għaddew, biex suppost tissolva din is-sitwazzjoni, iżda milli jidher dan ix-xogħol ma ħalla l-ebda effett mistenni.
