Resident ta’ Triq Katerina Vitale fix-Xemxija, spiċa bi ħsara fil-karozza tiegħu wara li l-ġrieden gerrmu cables tar-ram fil-karozza tiegħu, bil-konsegwenza li ma setax juża l-vettura.
In-nuqqas ta’ infurzar fuq l-ammont kbir ta’ skart mormi fit-toroq ta’ San Pawl il-Baħar u l-madwar wasslet biex żdiedet sew il-popolazzjoni ta’ ġrieden u firien iduru f’dawn it-toroq, b’riskju għas-saħħa tar-residenti.
L-istess resident appella lill-Kunsill Lokali biex jieħu azzjoni u jinstalla’ kameras tas-sigurta’ biex jinqabad min qed jarmi barra matul il-ġurnata kollha u wkoll matul il-lejl.
Kif jidhru f’dawn ir-ritratti, l-ammont ta’ skart mormi barra f’San Pawl il-Baħar u l-madwar baqa’ jiżdied, mingħajr ma ttieħdet azzjono konkreta. Dan mhux biss ipoġġi riskju għas-saħħa tar-residenti, imma żgur li ma jħallix impressjoni tajba fost it-turisti, li tant huma mportanti għal-lokalita’.
